መልቀስ

መልቀስ

ድሓን ኩን!!!!!!!!!!!!!

መምህር ብርሃነ ወልደገብሪኤል

ነፍስሔር ብርሃነ ወልደገብሪኤል SUDAN NOW

ወየ!!!ወየ!!!ወየ!!!

ወየ ኣነ!!!!!ወየ ኣነ!!!ወየኣነ!!!

መምህር ብርሃነ አንታይ ረኸቦ
ወዲ መኳንንቲ ብዓል ኣደጎልቦ
“ወዲ ኣባደርብ ብዓል ወርቂ ዘቦ
ንዝቐረበ ብሕጊ ዘልዝቦ
ንዝረሓቐ ብጥይት ዘቕርቦ
ጎይታ ዓጓ ጸባ ጎይታ ኣጅቦ
ንሱ ኣንበሳ ጥይቱ ዋሊቦ
ሓላው ወሰን መጋረጃ ኣድያቦ።

ወየ!!!!ወየ!!!!ወየ!!!

ቆልዓ ቆሓይን ጋንዝይን ደማስን
ቆልዓ ቖላ ዘሙይን ድቡስን
ለባም ናይ ለባማት ሰፊሕን
ኣብ ኩሉ ዝርከብ ሓጺርን ነዊሕን
ምስኩሉዝላዘብ ዓቢንና ንኡስን
ብዙሓት ዝኽበርዎ፡ ፈቃር ትሕቱን
እዚ ሓወይ ለዋህን ሰሓቕን
ዓለም ኣርኪባቶ፡ ኣይግድን ኣይግድን
ከይዱ ገዲፉና ሓወይን ዓርከይን።

ወየ!!!!ወየ!!!!ወየ!!!!

እዚ ቆሓይናይ፡ ዕባይ ናይ ኣስመራ
ብሃገር ዝሓስብ ኤርትራ ኤርትራ
ንሓድነት ዝጽዕር ንኹላቶም ሰውራ
ድቃስ ኣይረኸብ ብጉዳይ ኤርትራ
ኣብ ዝኸዶ! ኸይዱ ይረክብ መፈንጥራ
ቀሪቡ ነይሩ፡ ንኸብርሃ ጩራ
ኣብ ምቕራቡ ንኹላ ኽኣስራ
ልቢ ግበሩ ህዝቢ ኤርትራ።

ወየ!!!ወየ!!! ወየ!!!!

መምህር ብርሃነ ወዲ ትልንቲ
ወዲ ኣድከመ ምልጋእ ብዓልጉልቲ
ብዓል መርየት ብዓል ርስቲ
ወለድኻ ነበሩ ሓገግቲ ሰራዕቲ
ኣብ ቃሎም ዝጸንዑ ዘይ!! ወቀርቲ
ተቐበልቲ ጋሻ ሽሻይውን ቀረብቲ
ሰብ ኩናት ሰብ ዋልታ ተላዘብቲ
ኣመንትን፡ ንሕጊ ኣኽበርቲ
ብእምነቶም ጽኑዓት ዘይ!!ጠለምቲ።

ወየ!!!ወየ!!!ወየ!!!!

ብርሃነ ሓወይ፡ እዚ መላዝብተይ
መምህረይዶ! ክብለካስ ወላ ዓርከይ
ፍሽኽታ ዝኣመሉ መሳሕቕተይ
ክኣምኖ ኣይከኣለ ልበይ ቀልበይ
ከመይ ገረ ከውጽኦ ካብዛ ልበይ
ብሓደ ክንስሕቕ፡ ነበረ ትምኒተይ
መልሲ ምስ ሰኣንኩ፡ ጀመረ ጥርጣረይ
ዘይተርፍ ካብ መጸ ተቐበል ኣእምሮይ።

ወየ!!!!ወየ!!!!ወየ!!!

መምህር ሓወይ ካብ ከድካ
ዳሕራይ ዘይርከብ እቲ ልቦናኻ
ዝግበር ገርካ ቅር ኣይበልካ
ንህዝብኻ ደኺምካ ሰሪሕካ
ጽቡቕ ስም ገዲፋካ ኣብ ንደቅኻ
ለውሃትካን ሓልዮትካ ብዙሕ ኣዛሪብካ
ኣብ መርየት ዝግበር ሰናይ ትሕዝቶኻ
ንሕና ተንኸውን ብዙሕ መጽናሕናካ
ዓለም ኣይጥዑም ብድሕረኻ
ዘይካኣል ኮይኑ ኣምላካ ጸዊዕኳ

በል ብሰላም ዕረፍ ኣምላክ ይቀበልካ
ጽንዓት ይሃብ፡ ንስድራኻ! ኮኑ ፈተዉኻ
ዘይርሳዕ እዩ፡ ፍሽኽታ ስሓቕካ
ጂግንነት፡ ልዝብን ከምቶም ወለድኻ።

ተኻፋሊ ሓዘን

ሃይለ ገብረ ትንሳኤ
ዘብሄር ሰራየ!!!!!
ኢንድያናፖሊስ ኢንድያና፡ 1 ሕዳር 20120