18/02/2023 10:30 AM
ቃለ-መሕትት ፕረ. ኢሳያስ ምስ ኤሪ-ቲቪን ሕቡእ መልእኽቱን
ሓተታ ግሎባል ይኣክል፡ 15 feb 2023።
President Isaias's interview with eritv and his hidden message,
analysis by Global Yiakl, 15 feb 2023.
ቃለ-መሕትት ፕረ. ኢሳያስ ምስ ኤሪ-ቲቪን ሕቡእ መልእኽቱን፡ ሓተታ ግሎባል ይኣክል 15 feb. 2023።
President Isaias's interview with eritv and his hidden message, analysis by Global Yiakl, 15 feb 2023.
ኣብ ዝሓለፈ ሰሙን፡ ውልቀ-መላኺ ኢሳያስ፡ ንኣርባዕተ ተኸታተልቲ ሰሙናት ዝኸይድ “ቃለ-መሕትት” ኣብታ እንኮ ተለቭዥን ኤርትራ ክገብር ጀሚሩ ኣሎ። ኣብቲ ንሰዓትን 20 ደቓይቕን ዝኸደ ቀዳማይ ርክቡ፡ “ጃንዳ ወያነን ጃንዳ ዋሽንግተንን” ከይጠፈአ ድቃስ ከምዘየለ ኣተንቢሁ ኣሎ። “ጃንዳ ወያነ ከነጥፍእ፡” 35 ዙርያ ሳዋ ካብ ወሰደልና፡ “ጃንዳ ዋሽንግቶን ከነጥፍእ” ክንደይ ናይ ሳዋ ዙርያ ከምዝወስደልና መቸም ንመላሲ ይጭነቆ ኢዩ። ኣብዚ እቲ ብኢሳያስ ዝቐረበ ትሕዝቶ (content) ዘይኮነ፡ ነቲ ብኢስያስ ዝተመሓላለፈ መልእኽቲ (context) ጥራይ ኣተኲርካ ምዝራብ፡ ዝያዳ ተመራጺ’ዩ። ምኽንያቱ፡ እቲ ሰይጣናዊ መልእኽቲ ኣብቲ ዝርዝር ሰፊሩ ስለዘሎ።
ኢሳያስ ኣብዚ፡ ኣዝዩ ኣሰልቻዊ ዝኾነ “ቃለ-መሕትቱ” ከም ቀንዲ ዕላማ ናይቲ መልእኽቱ ጌሩ ዝወሰዶ፡ እቲ ኣብ ደገን ኣብ ውሽጥን ዝቕመጥ ህዝቢ ኤርትራ ኢዩ። ከም ካልኣይ፡ ንሓይልታት ምክልኻል ኤርትራ ዝቐነዐ ኢዩ ኔሩ። ምኽንያቱ፡ እቲ ቀንዲ ሓደጋ ናይ ስልጣኑ እዚ ክልቲኡ ወገናት ስለ ዝኾነ። እታ ንዓመታት ዝሰማዕናያ ናይ ሓደ ቀጽራዊ ስርዓት (unipolar) ትብል መሓፍስቲ ገዲፍና፡ ህዝቢ ኤርትራ ከስተብህለለን ዘለዎ ክልተ መልእኽትታት እዘን ዝስዕባ እየን።
1. ኢሳያስ ብቓላቱ፡ “ጃንዳ ወያነ፡ ከነጥፍኦ እንዳኸኣልና ከለና፡ ከልኪሎምና” ይብል። እዚ ማለት፡ ጃንዳ ወያነ ክሳብ ሕጂ ከምዘይጠፈአት’ዩ ዝእንፍት ዘሎ። ጠንቂ ናይዚ ኩሉ ግጭትን ኲናትን ከኣ፡ ወያነ ብምዃኖም ክሕተቱ ከምዘለዎምን ደጋጊሙ ተዛሪቡ። ብሕጂ እውን ወያነ፡ ኣብ መንጐ ኤርትራን ኢትዮጵያን ኲናት ንምውላዕ ከይደቀሰት ከም እትሓድር ጠቒሱ። እቲ መልእኽቲ እምበኣር ንጹር ኢዩ። ኣንቱም ወያነ ጠፊኣ ኢልኩም ትዛነዩ፡ ወያነ ገና ምጽባኣ ኣይተርፋን ኢዩ እሞ፡ ሃገር ከምቲ ንልዕሊ 20 ዓመታት ንዝጸናሓቶ ክትቅጽል ኢያ። ሰራዊት ኤርትራ ሕጂ`ውን ምስ ዕጥቅኻ ኣብ ተጠንቐቕ ክትጸንሕ ኢኻ። እቲ ድሕሪ ወያነ ክኸውን እትምነዮ ዝነበርካ፡ ብሰንኪ መንግስቲ ኢትዮጵያን ጃንዳ ዋሽንግተንን ተቖጽዩ ኣሎ`ሞ ቅበጽ። ወስ እንተኢልካ ከኣ ኣብኣትዴኻ ዝብል መልእኽቲ ኢዩ ኔሩ።
2. እቲ ካልኣይ መልእኽቲ፡ ኣሸበሸብ ወያነ፡ ብሰንኪ ኣብ ትግራይ ዘጋጠመ ዕንወትን ንዕኡ ንምህናጽ እተጥፍኦ ግዜን በቲ ሓደ ወገን፡ ፈደረላዊ ስርዓት ኢትዮጵያ ምስ ክልል ትግራይ ጀሚርዎ ዘሎ ናይ ሰላም መስርሕን ከኣ በቲ ካልእ፡ ወያነ ካብ “ተጻባኢ መርገጺ” ክትቁጠብ ትኽእል ኢያ። ስለዚ፡ ኣብዚ ተሳናቢድሉ ዘሎ እዋን ንግዜኡ ዘጻነሖ ጸላኢ ክፈጥር ኣለዎ። እቲ ጸላኢ ክኸውን ዝተመርጸ ከኣ ስርዓት ዋሽንግቶን ኢዩ። እቲ ንራሻ ኣመልኪቱ ኣብ ዝመጽእ ርክቡ ክገብሮ ዝሕልን “ቃለ-መሕትት” ከኣ ነዚ ዘረጋግጽ ክኸውን ኢዩ።
ኣብዚ መትሓዚ ዘይነበሮ መደረኡ ውልቀ-መላኺ ኢሳይያስ ኣብ ኲናት ኢትዮጵያ ብፍላይ ከኣ ትግራይ ዋና ተዋሳኣይ ጥራይ ዘይኮነ፡ ወሳኒ ግደ ከምዝነበሮ ብቓላቱ ተኣሚኑ ኣሎ። ኣብቲ እተኻየደ ናይ ክልተ ዓመታት ኲናት፡ ኣማኢታት ኣሽሓት ህይወት ሰብን ንብረትን ከምዝሃለቐ ብቓላቱ ኣረጋጊጹልና ኣሎ። ኣብ ግዜኡ ክግለጽ ምዃኑን ተሓታትነት ክህሉ ከምዘለዎ እውን ብዘይ ዕጻይ ምጻጻይ ደጋጊሙ ጠቒሱ ኣሎ። ህዝቢ ኤርትራ ከቢድ ሰብኣዊ ክሳራ ወሪድዎ ከምዘሎ፡ ክሓብኦ ፍጹም ኣይደለየን ወይ ኣይከኣለን። እዚ ናይ ፕሪቶርያ ናይ ሰላም ውዕል፡ ነቲ ኣብ ውሽጢ ትግራይ ክኸይድ ዝጸንሐ፡ “ናይ መወዳእታ 3ይ መጥቃዕቲ” ዝበሎ ናይ ምኹላፍ ስጉምቲ “ብኣመሪካን ከደምቶምን ዝተወጠነ” ምዃኑ ሓቢሩ ኣሎ። ነዚ ምርኩስ ብምግባር፡ እቲ ቀንዲ ዛዕባ ክኸውን ዘለዎ እምበኣር፡ ኢስያስ ዝበሎ ምኩምሳዕ ዘይኮነ፡ ህዝቢ ኤርትራ ካብዚ ብውልቀ-መላኺ ኢሳይያስ ዝሓለፈ መልእኽቲ እንታይ ይመሃር ዝብል ኢዩ ክኸውን ዘለዎ። ገና ሕንሕነ ኲናት ከምዘይወጽኣሉን ንኤርትራን ህዝቢ ኤርትራን ገና ኣብ ኲናት ክጸምዶም ድሕር ከምዘይብል ካብቲ ዘሕለፎ መልእኽቲ ኣነጺርዎ ከምዘሎ ክንግዘብ ይግባእ።
ስለዚ’ውን፡ ኣብ ውሽጥን ኣብ ደገን እንቕመጥ ህዝቢ ኤርትራ፡ ሕጂ እውን ይኣክል ክንብል እንተዘይክኢልና፡ ኢሳያስ ኣብ ዘይዓርፍ ናይ ጽልእን ኲናትን ሃዋሁ ክጸምደና ተዳልዩ ኣሎ። ድሮ፡ ምስ ራሻ ዝገብሮ ዘሎ ውዕላት፡ ኣጽዋር ንምሽማትን ነብሱ ንምክልኻልን እምበር፡ ኣብ ኤርትራ ህንጸትን ምዕባለን ሰላምን ንምስፋን ስለዝዓለመ ኣይኮነን። ትምህርትን ስርዓተ ሕግን ንምስፋሕ ወይ’ውን ስደትን ወረ ስደትን ደው ንምባል ኣይኮነን። እቲ ዕላማ ንሱ እንተዝኸውን፡ ንሰዓትን ፈረቓን ኣይምሃውተተን። ህዝቢ ኤርትራ ሃገሩ ክሃንጽ ሓገዝ ናይ ራሻ ወይ ድንጋጸ መንግስቲ ኣመሪካ ኣይኮነን ዘድልዮ። እኳ ድኣ ግዝኣተ ሕጊ ዝሰፈና ብቅዋም እትመሓደር፡ ሓድነት ህዝባ ዝዓቐበት ሃገር ንምርኣይ’ዩ ባህጉን ሕልሙን። ሰለዚ’ውን ከም ህዝቢ ብሓባር ሃገርና ካብ ኢዱ ክሳብ ዘይመንዛዕናያ፡ ንኤርትራ ህዝባን ኣብ ዋጋ ዕዳጋ ከእትዋ ሰጋእ ዝብል ውልቀ-መላኺ ኣይኮነን።
ዓለምለኻዊ ምንቅስቓስ ይኣክል ኤርትራውያን
ህዝባውነት፡ ጽምዶ፡ ሓደ ጸላኢ
15 የካቲት 2023
See also Global Yiakl related facts and links. ንህዝባዊ ምንቅስቓስ ይኣክል ዝምልከቱ ሓቅታትን መወከሲታትን፡ ኣብዚ ታሕቲ ክትግንዘቡ/ባ ትኽእሉ፡-
• Q & A About Eritrean Global Yiakl Movement.
• ሕቶን መልስን ብዛዕባ ይኣክል - እንታይነት ምንቅስቓስ። መንነት ዓለም-ለኻዊ ምንቅስቓስ ይኣክል ኤርትራውያን።
• Global Yiakl Website ወብሳይት ዓለም-ለኻዊ ምንቅስቓስ ይኣክል ኤርትራውያን።
• Global Yiakl Youtube channel. ዩቱብ ዓለም-ለኻዊ ምንቅስቓስ ይኣክል ኤርትራውያን፡
ቃለ መሕተት ምስ ክቡር ፕረዚደንት ኢሳይያስ ኣፍወርቂ - February 12, 2023 - ERi-TV
See also Related / ምስዚ ዝተኣሳሰር ሓበሬታ፡-
- Snitna YouTube - ስኒትና ዩቱብ ቻነል።
- Snitna Network and Sinit Seminars Directory. ብ`ስኒትና ከምኡ`ውን ስኒት ዝተኻየዱ ሰሚናራት።
- Snitna FaceBook - ስኒትና ፌስቡክ።
- Sinit YouTube - ስኒት ዩቱብ ቻነል።
- ዘተ ንሓባራዊ ንቕሓት
Dialogue for Common Awareness
مجموعة الحوار للوعي المشترك - ሌላ ምስ
ፖለቲካዊ ሰልፍታትን ህዝባዊ ምንቅስቓሳትን ኤርትራ፡
Eritrean Political parties and Civic movements.s
مقدمة في الأحزاب السياسية والحركات المدنية الإريترية - ኣስተምህሮ፡ መስርሕ ምንዳፍ ቅዋም ኤርትራ - The Eritrean Constitution Making Process
Seminar by Dr Bereket Habte selassie. ኣስተምህሮ፡ ብ`ዶር. በረኸት ሃብተስላሰ። - ሲምፖዝዩም ኤርትራ (Eri-Platform: 2018 - 2020)
- ዋዕላ ህንጸት ዲሞክራሲ ኣብ ኤርትራ Building Democracy in Eritrea Conference (Eritrea Focus: 2019 - 2020)
- Enough is enough! ይኣክል ምልኪ! ማዕበል ድምጺ ህዝቢ لقد طفح الكيل
- A Look Back on Eritrea’s Historic 1993 Referendum, BY FIKREJESUS AMHAZION (PhD)
ታሪኻዊ ውጽኢት ረፈረንዱም ኤርትራ 1993 ብፍቕረየሱስ ኣምሃጽዮን (ዶ/ር)) (TesfaNews APRIL 23, 2018). - ሃገራዊ ቻርተር ኤርትራ - ኣብ 3ይ ጉባኤ ህ.ግ.ሓ.ኤ: ዝጸደቐ (ናቕፋ 10 - 16 ለካቲት 1994)።
- PFDJ NATIONAL CHARTER Adopted by the 3rd Congress of the EPLF/PFDJ Naqfa, February 10-16, 1994.
- ንዝኽሪ ግዳያት ዲክታቶሪያዊ ምሕደራ ኤርትራ። In memory of Victims of Dictatorial Administration in Eritrea.
- G-15:- ቅልዕቲ ወረቐት ናብ ህዝቢ ኤርትራ፡ ኣገደስቲ እዋናውያን ጉዳያት፡ (ኣስመራ፡ ነሓሰ 3፡ 2001)
- G-15:-Open Letter To The People of Eritrea (Asmara, August 3, 2001)
- G-15:-ቅሉዕ መልእኽቲ ናብ ኩሎም ኣባላት ህግደፍ
- G-15:-Open Letter to All PFDJ Members (Audio) ቅሉዕ መልእኽቲ ናብ ኩሎም ኣባላት ህግደፍ (ብድምጺ)
- G-15:-Open Letter to All PFDJ Members
- GI: ህጹጽ ጻውዒት ንኹሎም ኣብ መላእ ኵርናዓት ዓለም ዝርከቡ ኤርትራውያን። An Urgent Call to All Eritreans Worldwide. المبادرة العالمية لتمكين الحركة الشعبية الاريترية
- ድምጽና (Our Voice)
- መደብ ንጋባእ ENGAGE ERITREA!
- Advice for All Eritreans ምኽሪ ንኹሎም ኤርትራውያን
- Human Rights in Eritrea / ኩነታት ሰብኣዊ መሰላት ኣብ ኤርትራ፡
- UN - Commission of inquiry on Eritrea / ናይ ውሕሃ መርማሪት ኮሚሽን ሰብኣዊ መሰላት ኤርትራ፡
- Mike Smith / ሚስተር ማይክ ስሚዝ፡ ኣቦ ወንበር መርማሪት ኮሚሽን ሰብኣዊ መሰላት ኤርትራ፡
- Also see: "UN - COI on Eritrea / ናይ ውሕሃ መርማሪት ኮሚሽን ሰብኣዊ መሰላት ኤርትራ፡
- UN COMMISSION OF INQUIRY ERITREA (COI-ERITREA) And POPULAR RESPONSES
- ጸብጻብ መርማሪት ኮሚሽን ሰብኣዊ መሰላት ኤርትራ፡ ህዝባዊ ግብረ-መልሲን
- ጸብጻብ መርማሪት ኮምሽን ኵነታት ሰብኣዊ መሰላት ኣብ ኤርትራ – ዘይወግዓዊ ትርጉም (ብትግርኛ)